Kaq mësimdhënës janë në grevë
Rreth 27 mijë mësimdhënës në institucionet publike arsimore në Kosovë aktualisht janë në grevë me kërkesën për rritje të koeficientit prej 30 për qind.
Kështu ka bërë të ditur nënkryetarja e Sindikatës së Bashkuar të Arsimit Shkencës dhe Kulturës(SBASHK), Vjollca Shala, shkruan Gazeta Zëri.
“Të gjitha institucionet arsimore të Kosovës, duke filluar nga çerdhet e deri tek universitetet, janë në grevë, diku rreth 27 mijë mësimdhënës janë në grevë”, ka theksuar ajo. Shala ka thënë se deri më tani dy shkolla në Kosovë kanë pezulluar grevën, mirëpo sipas saj këto dy shkolla kanë numër të vogël të mësimdhënësve dhe të nxënësve.
Në Komunën e Deçanit, në Gllogjan një shkollë është duke punuar, mirëpo ajo shkollë numëron rreth 15 anëtarë. Kemi informacione se është duke edhe punuar një shkollë, mirëpo edhe ajo është shkollë shumë e vogël, ku është edhe një numër i vogël i nxënësve”, ka thënë ajo.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]