22 vjeçari ndërroi jetë në vendin e punës, kompania jep detaje

Krenar Jemini nga Mushtishti i Suharekës gjatë ditës së djeshme ka ndërruar jetë në vendin e tij të punës.

Institucionet kompetente gjatë natës së kaluar dhanë detaje për rastin, ku u theksua se i njëjti kishte ndërruar jetë gjatë pastrimit ku mbaheshin derivatet e naftës.

Ndërsa, sot lidhur me këtë rast ka reaguar edhe vet kompania “Lab Oil”, ku ka treguar se si ka ndodhur ngjarja, shkruan Gazeta Alo.

Në njoftimin e kompanisë thuhet se i ndjeri Jemini në momentin kritik ka qenë duke kryer punët e tij në fabrikë dhe ka shkarë në shiritin transportues të fabrikës, ku ka marrë lëndime vdekjeprurëse.

Njoftimi i plotë i kompanisë:

Kompania Lab-Oil nga Prishtina njofton opinionin publik se më datë 24.02.2019 në fabrikën e Petrokoksit që gjendet në Preoc (magjistralja Prishtinë-Ferizaj), aksidentalisht ka humbur jetën punëtori ynë, Krenar Jemini (1997).

I ndjeri Jemini në momentin kritik ka qenë duke kryer punët e tij në fabrikë dhe ka shkarë në shiritin transportues të fabrikës, ku ka marrë lëndime vdekjeprurëse.

Kompania Lab-Oil me anë të kësaj komunikate dëshiron që të bëjë me dije për opinionin se kjo është e vërteta e ngjarjes tragjike që ka ndodhur në kompaninë tonë.

Familjes së ish-punëtorit tonë, i shprehim ngushëllimet më të sinqerta!./Gazeta Alo/