Bild: Milot Rashica te Liverpooli i Jurgen Klopp për 38 milionë euro?

Të gjesh diçka të mirë te Werder Bremen është shumë e vështirë këtë sezon, por Bild shkruan se klubi ka një xhevahir dhe ai po kërkohet edhe nga Liverpool.

Milot Rashica tani 23 vjeç ishte më i miri në gjysmën e parë të sezonit me shtatë gola dhe tre asistime.

Nuk është çudi që ‘Raketa’ e Bremenit dhe Kosovës të kërkohet nga shumë klube dhe jo vetëm në Bundesligë.

Sipas BILD, trajneri i Liverpoolit, Jürgen Klopp e do Rashicën në verë dhe për këtë klubi anglez e ka përcjell disa herë nga afër dhe fituesi i Ligës së Kampionëve është gati për një ofertë.

Por trajneri i Werderit, Frank Baumann, thotë se ende nuk ka asgjë zyrtare.

“Sigurisht që ekzistojnë disa perspektiva për një lojtar si Miloti pas arritjeve në këto vite. Deri më tani nuk kemi negociuar me asnjë klub”, ka thënë ai.

Sidoqoftë, duket e pashmangshme shitja e Rashicës nga klubi në fund të sezonit.

Werderi ka nevojë për të ardhura pasi duhet të paguajë për dy transferimet e detyruara, Omer Toprak dhe Leo Bittencourt (së bashku 13.4 milionë euro).

Baumann nuk dëshiron ende të konfirmojë një largim të sigurt të shqiptarit: “Nuk është e sigurt që Miloti do të na lërë gjatë verës. Por nuk mund ta përjashtoj”.

Sipas mediave gjermane, klubi i ka vënë një çmim fiks Rashicës, rreth 38 milionë euro.

Ky çmim do të thyente çdo rekord të shtijës në klub, pasi ata e mban Diego kur kaloi te Juve për 24.5 milionë euro.