Takohet Albin Kurti dhe Agim Bahtiri, bisedojnë për bashkimin e Mitrovicës

“Po ashtu u dakorduam që ky Peticion sa më shpejtë të procedohet nëpër komisionet përkatëse parlamentare, të ketë mbështetjen e plotë të gjithë liderëve partiak, faktorëve të ndryshëm politik dhe posaçërisht nga Deputetët e Kuvendit të Republikës së Kosovës të cilët duhet ta përmirësojnë gabimin e legjislacionit kur u votua ndarja e qytetit në dy komuna pa i pyetur asnjëherë institucionet komunale dhe banorët e Mitrovicës”, shkruan Mujka.

Ai tha se kërkesa për bashkimin e qytetit në asnjë mënyrë nuk nënkupton kompromis me integritetin territorial të Kosovës

“Gjithsesi duhet pasur të qartë se kërkesa për bashkimin e qytetit në asnjë mënyrë nuk nënkupton një lloj kompromisi me integritetin territorial të Kosovës apo çfarëdo cenimi të kufijve të Kosovës, sepse një gjë e tillë është në kundërshtim me Kushtetutën e Republikës së Kosovës, vendimin e GJND-së dhe vendimin e atyre 110 shteteve që na kanë pranuar me këta kufinjë aktual, e ndër ta edhe SHBA-të” shtoi Mujka.

Gjithashtu Mujka shtoi se në këtë takim u diskutua edhe për disa projekte me rëndësi për Komunën e Mitrovicës.

“Në sferën e bashkëqeverisjes komunale, u diskutua edhe për disa projekte me rëndësi të veçantë për Komunën e Mitrovicës dhe benefitet që do t’i kenë qytetarët e saj nga to, por për këto projekte më hollësisht do të informoheni në ditët në vijim.” shkruan Mujka, trasnmeton Gazeta Alo.

Të gjithë së bashku për Mitrovicën e bashkuar dhe të zhvilluar!