Nis takimi i Këshillit të SBASHK-ut, pritet të merret vendimi për grevën

Ka nisur takimi i Këshillit drejtues i SBASHK-ut, ku pritet të merret vendimi për grevën.

Sot, kryeministri Ramush Haradinaj, kryeparlamentari Kadri Veseli dhe SBASHK-u, arritën marrëveshjen për, siç thanë ata, ndërprerjen e grevës dhe nisjes së mësimit nga dita e hënë.

Rrahman Jasharaj, tha se “sot jemi takuar në Kuvend me kryeparlamentarin Kadri Veseli e kryeministrin Ramush Haradinaj. Lëvizja e re e Qeverisë ka qenë lëvizje dukshëm më e mire dhe e pamë që ka lëvizje që nuk është për t’u nënçmuar por për t’u respektuar. Ne i thamë po në parim, por jeni ju ata që vendosni ashtu siç ju keni vendosur për grevë, vendosni ju nëse do ta ndalim”, raporton KTV.

Nënkryetarja e SBASHK-ut, Vjollca Shala sot gjatë ditës tha për “Kohën Ditore”, se marrëveshja e sotshme parasheh një rritje të koeficientëve rreth 20 për qind.

Sipas saj, me këtë marrëveshje do të ketë rritje për gjithë sektorin e arsimit përveç profesorëve të universiteteve.

Ajo beson se kjo marrëveshje do të bindë Kryesinë e SBASHK-ut që sot në mbledhjen, e cila po mbahet tani.

“Ka një ngritje të koeficientëve rreth 20 për qind për tërë sistemin parauniversitar. Niveli më i ulët te çerdhet tani koeficientin e ka 2.25 kurse niveli më i lartë është drejtori i shkollës së mesme të lartë që do ta ketë koefientin 3. Në marrëveshje nuk janë përfshirë profesorët e universiteteve por vetëm administrata e universiteteve. Në ora 15:00 do të merret vendimi. Ne kemi marrë konfirmimin e sindikatave komunale dhe ata deri tash janë shprehur se kjo ofertë është e pranueshme dhe gjasat janë që të anulohet greva”, ka thënë Shala.