Haradinaj: Familja Bytyqi e ka përkrahjen e parezervë të Qeverisë për ta çuar drejtësinë në vend

Kryeministri i Kosovës, Ramush Haradinaj i ka dhuruar sot Medaljen Gjergj Kastrioti-Skënderbeu, Ilir Bytyqit, vëllaut të vëllezërve Bytyqi të cilëve u kanë marrë jetën forcat serbe.

Kryeministri Haradinaj, ka thënë se familja Bytyqi e ka përkrahjen e parezervë të Qeverisë dhe shtetit të Kosovës në betejën e dytë për ta çuar drejtësinë në vend, shkruan Gazeta Alo.

Postimi i tij i plotë:

Në thelb të sakrificës së vëllezërve Bytyqi, të vrarë nga forcat serbe, qëndron dimensioni i vërtetë i luftës për Kosovën. Heronjtë e Kosovës, Ylli, Mehmeti dhe Agroni braktisën jetën e ndërtuar në ShBA, duke u bërë pjësë e Batalionit “Atlantiku”, për t’iu përgjigjur thirrjes së atdheut. Familja Bytyqi e ka përkrahjen e parezervë të Qeverisë dhe shtetit të Kosovës në betejën e dytë për ta çuar drejtësinë në vend për krimin e dëshmuar dhe vrasësit ta marrin dënimin e merituar. Ilirit, duke i shprehur konsideratat më të larta për kontributin e çmuar të vëllezërve të tij për liri, i dhurova Medaljen Gjergj Kastrioti-Skënderbeu./Gazeta Alo/