Naser Shala u emërua drejtor i Agjencisë për Verifikim të Pronës, reagon ambasada e Britanisë

Ambasada e Britanisë së Madhe ka reaguar ndaj emërimit të Naser Shalës në pozitën e drejtorit të sekretariatit ekzekutivit të Agjencisë për Krahasim dhe Verifikim të Pronës.

“Kjo është qartazi shkelje e Memorandumit të Mirëkuptimit në mes të Ambasadës së Britanisë dhe Kuvendit të Kosovës. Është e drejtë e posaçme e institucioneve të Kosovës që të emërojnë kandidatë të përshtatshëm nga lista e kandidatëve që plotësojnë kriteret”, thuhet në reagimin e ambasadws.

“Sidoqoftë përzgjedhja e kandidatit  që nuk plotësonte kriteret e nevojshme, institucionet kanë treguar jo vetëm mungesë të përkushtimit për implementimin e projektit të përbashkët, por poashtu, më e rëndësishmja, mungesë që angazhimit rreth mandatit dhe punës së KPCVA-s”.

Ky vendim sipas tyre vë në pikëpyetje nëse shumica e Kuvendit të Kosovës ka vullnetin politik për të implementuar emërime meritore.

“Si rezultat i këtij vendimi jo të drejtë Ambasadori i Britanisë, ka thënë dorëheqje nga pozita e kryetarit të bordit të KPCVA-s. Letra e tij e dorëheqjes iu është dorëzuar përfaqësuesve special të BE-së. Ai ka falënderuar drejtuesit e tanishëm dhe stafin e KPVCA-së për profesionalizimin dhe përkushtimin e treguar gjatë mandatit të tij në krye të bordit dhe ju dëshiron atyre dhe organizatës çdo sukses në të ardhmen.

Reagimi i plotë:

Ambasada Britanike në Prishtinë shpreh keqardhje për vendimin e Kuvendit të Kosovës për emërimin e Naser Shalës si Shef i Sekretariatit të Agjencisë Kosovare të Krahasimit dhe Verifikimit të Pronës (KPCVA).

Projekti i Mbështetjes së Ambasadës Britanike për Projektin e Rekrutimit Publik dy herë mbështeti procesin për rekrutimin e Shefit të Sekretariatit të Agjencisë Kosovare të Krahasimit dhe Verifikimit të Pronës (KPCVA).

Procesi i parë u anulua nga Kuvendi. I dyti nga këto procese të rekrutimit, të kryer në mënyrë transparente dhe meritokratike, identifikoi vetëm një kandidat që plotësonte kriteret për emërim.

Raportet e rekrutimit, të prodhuara nga partneri zbatues i projektit, u ndanë me të gjithë kryetarët e grupeve parlamentare në Kuvendin e Kosovës.

Fatkeqësisht, javën e kaluar Kuvendi dështoi të zgjidhte kandidatin e vetëm të identifikuar se përmbushi kriteret për emërim dhe në vend të kësaj emëroi një kandidat i cili nuk u caktua sipas vlerësimit profesional.

Kjo është një shkelje e qartë e Memorandumit të Mirëkuptimit ndërmjet Ambasadës Britanike dhe Kuvendit të Kosovës.

Është prerogativë e institucioneve të Kosovës që të emërojnë kandidatë të përshtatshëm nga listat e kandidatëve që plotësojnë kriteret.

Megjithatë, në zgjedhjen e një kandidati që nuk konsiderohej si i emëruar në këtë rast, institucionet kanë treguar jo vetëm një mungesë angazhimi në zbatimin e projektit tonë të përbashkët, por gjithashtu, më e rëndësishmja, mungesa e përkushtimit ndaj mandatit dhe punës së KPCVA.

Vendimi na çon në pyetjen nëse shumica e Kuvendit të Kosovës ka vullnetin politik për të zbatuar emërimet meritokratike.

Si rezultat i këtij vendimi, Ambasadori britanik ka dhënë dorëheqjen nga posti i tij si Kryetar i Bordit të KPCVA.

Letra e tij e dorëheqjes i është dërguar Përfaqësuesit Special të BE-së.

Ai falënderon udhëheqjen aktuale dhe stafin e KPCVA-së për profesionalizmin dhe përkushtimin e palëkundur gjatë mandatit të tij në bord, dhe i dëshiron atyre dhe organizatës çdo sukses në të ardhmen./Gazeta Alo/