Kërkohet të shfuqizohet vendimi për taksën e qytetarëve në Stacionin e Autobusëve

Kryetari i Komunës së Prishtinës, Shpend Ahmeti, me anë të një postimi në rrjetin social Facebook ka njoftuar se Stacioni i Autobusëve të Prishtinës është nën administrim nga aksionarë të rinj te cilat kërkuan nga kanë kërkuar nga bordi i ri që të shfuqizohet vendimi për taksën që qytetarët paguanin për të hyrë në stacion e që ka qenë në tri nivele, 0.10, 0.50 dhe 1 euro.

“Presim që ky vendim të merret në fillim të javës tjetër dhe që duke filluar nga java e ardhshme kjo takse të mos paguhet nga qytetaret”, thuhet më tej në postimin e Ahmetit.

Gjithashtu ai tha se javëve në vijim bordi do të merret edhe me adresimin e shumë ankesave për parregullsi në administrimin e Stacionit të Autobusëve, njofton Klan Kosova.

Ja postimi i plotë i tij:

Pas marrjes në administrim të plotë të Stacionit të Autobusëve nga koalicioni qeverisës në Prishtinë, aksionarët e ri të Stacionit të Autobusëve të Prishtinës kanë kërkuar nga bordi i ri që të shfuqizohet vendimi për taksen që qytetarët paguanin për të hyrë në stacion e që ka qenë në tri nivele, 0.10, 0.50 dhe 1 euro.

Presim që ky vendim të merret në fillim të javës tjetër dhe që duke filluar nga java e ardhshme kjo takse të mos paguhet nga qytetaret.

Gjatë javëve në vijim bordi do të merret edhe me adresimin e shumë ankesave për parregullsi në administrimin e Stacionit të Autobusëve gjatë periudhes kur nuk kemi patur qasje të plotë në dokumentacionin dhe qeverisjen e kësaj ndërmarrjeje publike.