Gjashtë persona të lënduar nga aksidenti te Qendra e Studentëve, policia jep detaje
Një aksident trafiku ka ndodhur në afërsi të Qendrës së Studentëve në Prishtinë, përkatësisht në rrugën “Eqrem Çabej”.
Në aksident janë përfshirë dy vetura. Lajmin për Gazetën Alo e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti.
Ajo ka thënë se si pasojë e këtij aksidenti gjashtë persona kanë marrë lëndime trupore.
“Rreth orës 07:00 kemi pranuar informatën për një aksident trafiku në rrugën “Eqrem Çabej” në Prishtinë. Në aksident kanë qenë të përfshira dy automjete. Si pasojë e aksidentit gjashtë persona kanë marrë lëndime të lehta trupore. Sipas ekzaminimeve nga njësiti i trafikut dyshohet se aksidenti është shkaktuar për shkak të mos respektimit të semaforit”, deklaroi Ahmeti./Gazeta Alo/
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]