‘Plisat’ na turpërojnë, e zbehin fitoren e madhe të Kosovës, ky është veprimi i tyre i shëmtuar
Tifo grupi “Plisat” kanë rrahur sot një tifoz të Çekisë në rrugët e Prishtinës. Kjo shihet përmes një video të publikuar nga “Plisat”, me ç’rast dy tifozë të plisave sulmojnë në rrugë tifozin çek, transmeton Koha.net.
Pas reagimeve të shumta “Plisat” e kanë fshirë videon nga Facebooku. Megjithatë, pamjet mund t’i shihni në videon më poshtë.
Në këtë video shihet se tifozi çek fillimisht ua zgjat dy tifozëve të tjerë dorën për t’u përshëndetur, para se këta dy të fundit ta sulmojnë atë.
I gjithë incidenti ndodhi pas ndeshjes mes Kosovës dhe Çekisë në stadiumin “Fadil Vokrri”, ku Dardanët siguruan fitore me rezultat 2:1.
Fitorja e sotshme e “Dardanëve” jo vetëm që e vazhdon ecurinë e ndeshjeve pa disfatë në 15 të tilla, por edhe ia jep Kosovës tri pikë të rëndësishme në ëndrrën për t’u kualifikuar në Kampionatin Evropian 2020.
https://video.gjirafa.com/plisat-rrahin-nje-tifoz-cek-ne-prishtine
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]