Besnik Tahiri thotë se Kurti kopjoi planin e tij për ministritë
Sekretari i Përgjithshëm i Aleancës për Ardhmërinë e Kosovës, Besnik Tahiri, ka thënë se Lëvizja Vetëvendosje ka kopjuar modelin me 15 ministri, të cilën e ka hartuar Qeveria Haradinaj
“Albin Kurti, gjatë gjithë fushatës zgjedhore e ka proklamuar para popullit se do të bëjë qeveri me 12 ministri, kurse sot e ka kopjuar në Projektligjin e Qeverisë modelin me 15 ministri të cilin e ka hartuar Qeveria Haradinaj, proces të cilin e kam udhëhequr unë me kolegë të qeverisë. Këtë model e kam prezantuar edhe zyrtarisht më 25 shtator 2019. Sot është dita për të uruar marrëveshjen për Qeverinë e re, por Kryeministri i ardhshëm duhet ta kuptojë se përgjegjësia e fjalës është më e madhe se synimet afatshkurta politike për pushtet”, ka shkruar Tahiri.
Pas më shumë se 3 muajsh të takimeve, LVV-ja dhe Lidhja Demokratike e Kosovës kanë nënshkruar marrëveshjen, për të qeverisur së bashku, një ditë para seancës, ku edhe pritet të votohet formimi i Qeverisë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]