Mediat, pre e profilit të rremë të ministrit të jashtëm, reagon Konjufca: Nuk kam Twitter
Ministri i Punëve të Jashtme të Kosovës, Glauk Konjufca ka reaguar në profilin e tij në Facebook pas raportimit në media lidhur se ky i fundit ka vendosur t’i shkarkojë disa zyrtarë ambasadave.
Mediat vendore për këto raportime i referoheshin një postimi në rrjetin social Twitter me llogarinë që mbanë emrin e ministrit të jashtëm.
Pas kësaj, Konjufca nëpërmjet Facebookut ka treguar se nuk ka llogari në Twitter, as personale e as zyrtare.
Ai ka lutur mediat që ta shpërndajnë njoftimin që publiku të mos bjerë pre e profileve të rrejshme.
Ky është postimi i Konjufcës:
Të dashur qytetarë, dua t’ju njoftoj se unë nuk kam llogari në twitter, as personale dhe as zyrtare. I lus mediat dhe përdoruesit e rrjeteve sociale ta shpërndajnë këtë njoftim dhe të ndihmojnë që publiku i gjerë të mos bjerë pre e profileve të rrejshme, të cilat hapen me qëllime të panjohura.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]