Pesë viktima dhe 164 raste të reja me Covid-19 në Maqedoninë e Veriut

Gjatë 24 orëve të fundit në Maqedoninë e Veriut, nga 1612 teste të realizuara, 164 kanë rezultuar pozitiv me Covid-19. Ndërsa edhe pesë pacientë e kanë humbur jetën pasi ishin të prekur me koronavirus.

Instituti i Shëndetit Publik atje brenda 24 orëve të fundit ka regjistruar 74 pacientë të shëruar.

Sipas qyteteve rastet e reja janë shënuar në Shkup 59 raste të reja, Kumanovë-12, Dibër-18, Shtip-17, Prilep-1, Tetovë-6, Strugë-6, Manastir-1, Kavadar-2, Gostivar-9, Probishtip-2, Demir Hisar-1, Shën Nikollë-23, Kërçova-6, Resnje-1.

Po ashtu gjatë 24 orëve të fundit pesë pacientë kanë humbur betejën me Covid-19. Tre pacientë nga Shkupi, një nga Tetova dhe një pacient nga Resnja. Në spitalin “8 shtatori” jetë kanë ndërruar dy pacientë të moshës 35 dhe 65 vjeçare.Një pacient 70-vjeçar nga Resnja ka ndërruar jetë në Spitalin e Manastirit. Në spitalin e Tetovës është regjistruar një viktimë në moshën 51-vjeçare. Një pacient 77-vjeçar që po trajtonte sëmundjen në shtëpi gjithashtu ka ndërruar jetë.

Instituti i Shëndetit Publik brenda 24 orëve të fundit ka regjistruar 74 pacientë të shëruar. 42 pacientë janë shëruar në Shkup, Shtip-7, Tetovë-1, Strugë-4, Veles-1, Ohër-6, Kavadar-3, SHën Nikollë-2, Resnje -7, Negotinë-1.

Sipas statistikave të fundit atje nga fillimi i pandemisë janë diagnostifikuar 8786 persona me koronavirus, prej të cilëve 4676 janë shëruar, ndërsa jetën e kanë humbur 406 pacientë. Për momentin në Maqedoninë e Veriut janë 3704 raste aktive me Covid-19./aslatm/