Genc Prelvukaj – Bekë Berishës: Më mirë të zgjedhim për president dikë që i dhëmbin sytë nga leximi

Genci i reagoi deputetit Bekë Berisha pas deklaratës së tij të fundit se kush e meriton të zgjedhet president i vendit.

Këngëtari shumë herë nuk ka qëndruar indiferent ndaj ngjarjeve aktuale në vend dhe së fundi, ai komentoi një deklaratë të deputetit Bekë Berisha, të cilën e dha gjatë seancës plenare në Kuvend.

“Për Kosovën tani duhet me dal dikush që kur ndërron koha i dhemb trupi prej plagëve. Kosovës i duhet një president, dikush që kur kalon edhe kah varrezat civile, mendon për anëtarët e vet të familjes që për këtë liri i ka në varr. Dikush i cili të shikon në dritë të syrit, e të thotë po ose jo”, kishte deklaruar ndër të tjera Berisha.

Pas kësaj reagoi këngëtari Genc Prelvukaj i cili thotë se më mirë është të zgjedhim dikë që i dhembin sytë nga leximi.

“Deputeti Berisha paska thënë se vendit i duhet një president që i dhemb trupi nga plagët e luftës.

Bekë, ky nuk është kriterium për pozitën që flitet. Më mirë të zgjedhim dikë që i dhembin sytë nga leximi dhe dija”, shkruan Genci.

Ndryshe, projekti i fundit nga Genc Prelvukaj është “Mungon”.

https://www.facebook.com/genc.prelvukaj.3/posts/10220757893271204