Komisionari Evropian për zgjerim viziton këtë javë Kosovën

Komisari Evropian për zgjerim Oliver Varhej, pritet të vizitojë vendet e Ballkanit perëndimor gjatë javës së ardhshme.

Ai pritet të fillojë vizitën duke qëndruar në Serbi të hënën, të martën në Bosnjë dhe Hercegovinë, Mal të Zi dhe Maqedoninë e Veriut, ndërsa të mërkurën do të vizitojë Shqipërinë dhe Kosovën, thuhet në njoftimin e Komisionit Evropian, transmeton lajmi.net.

Gjatë vizitave, Varhej do të takojë zyrtarët e vendeve të Ballkanit ku do të shqyrtohet përgjigja ndaj pandemisë dhe mbështetja e Bashkimit Evropian në këtë çështje.

“Udhëtoj në Ballkan për të transmetuar porosinë e qartë se ne përkujdesemi për partnerët dhe punonjësit shëndetësor dhe kategoritë e lënduara. Dërgesa e vaksinave konfirmon vazhdimësinë dhe përkushtimin e mbështetjes, gjë që po bëjmë që nga fillimi i pandemisë. Së bashku jemi më të fortë”, tha Varhej.

Komisioni Evropian dhe Austria me 20 prill publikuan se do të dërgojnë 651.000 doza vaksina të kompanive Pfhizer dhe Biontek nga fillimi i majit deri në gusht, ato duhet të imunizojnë personelin mjekësor në linjën e parë të luftës kundër virusit dhe grupet e lënduara.

Vaksinat janë financuar nga fondi 70 milionë euro, që Komisioni e miratoi në dhjetor 2020 për mbulimin e harxhimit të dërgimit të vaksinave.

BE nga fillimi i pandemisë ka vepruar me vendosmëri, duke mobiluar 3,3 miliardë euro si ndihmë regjionit, si përgjigje në krizën shëndetësore dhe uljen e ndikimit ekonomik e social.

Përmes saj pako ka pasur pajisje të domosdoshme si maska, respirator, automjete ambulance, teste etj.

Furnizimi me vaksina “është shprehje e qartë e solidaritetit evropian për partnerët e Ballkanit , ardhmëria e të cilëve është në BE thuhet në kumtesën e Komisionit Evropian.