Testet e nxënësve keqpërdorues do të anulohen

Testi i Maturës përsëri është shpërndarë në rrjete sociale, Ministria e Arsimit paralajmëron masa.

Nxënësit e Prishtinës ishin të parët që iu nënshtruan Testit të Maturës.

Por, ani pse Ministria e Arsimit kishte paralajmëruar masa për të mos u keqpërdorur ky test një gjë e tillë përsëri ka ndodhur.

Testet u shpërndanë nëpër rrjete sociale madje edhe u krijuan grupe në viber për të shpërndarë atë.

Madje ky grup që u krijua në facebook, për një kohë të shkurtër mblodhi mbi 7000 mijë ndjekës.

E njëjta gjë ndodhi edhe këtë të enjte në komunën e Gjilanit dhe Ferizajt, ku është mbajtur provimi i maturës.

E për gjithë këto shkelje e pa rregullsi janë në dijeni edhe në Ministrin e Arsimit.

Fehmi Hysenaj, i cili është kryetar i Komisionit Shtetëror të Maturës konfirmoi se testet e shpërndara janë testi i maturës për këtë vit.

Por, jo vetëm nxënësit e pësuan.

Ndërkohë, Ministria e Arsimit për të evituar parregullësit kishte paralajmëruar edhe ndërprerjen e valëve telefonike në shkollat ku do të zhvillohej testi i maturës.

Por, një gjë e tillë nuk ndodhi.

E kjo situatë është shqetësuese për njohësit e arsimit.

Jonuz Salihaj thotë se administrimi i testit dështoi përsëri.

Salihaj, thotë se duhet të mendohet një strategji dalëse nga kjo situatë, sepse ky problem çdo vit po shkon duke u thelluar e jo duke u zgjidhur.