A do ta ndihmojë Shqipëria Kosovën në përballjen e saj me krizën energjetike, përgjigjet Rizvanolli

Kryeministri i Kosovës, Albin Kurti, i shoqëruar nga ministrja e Ekonomisë Artane Rizvanolli dhe Ministri i Financave Hekuran Murati kanë zhvilluar vizitë në Termocentralin Kosova B.

Pasi u njohën nga afër me punën e prodhimit të këtij termocentrali, Kurti dhe Rizvanolli zhvilluan një bashkëbisedim me gazetarët.

Ministrja Rizvanolli u pyet nëse Shqipëria pritet ta ndihmojë Kosovën në përballjen e saj me krizën energjetike.

E për të pranuar ndihmë nga shteti shqiptar Rizvanolli tha se janë në bisedime me të gjitha nivelet relevante atje, përcjell express.

“Kemi filluar bisedimet me të gjitha nivelet, me ministrat, kryeministrin e zëvëndeskryeministrin dhe në nivel të KEK-ut dhe KESH-it dhe institucioneve tjera relevante dhe këto bashkëbisedime janë intensifikuar javëve të fundit kur gjendja tek ne ka filluar të përkeqësohet. Republika e Shqipërisë deri tash vonë ka qenë duke imprtuar deri në 3 milionë euro energji për vete e ka pasur të pamundur të na ndihmojë përmes këmbimit. Këto ditë jam duke i parë mezi janë duke e mbuluar kërkesën e vetë dhe kemi premtime që në momentin që është e mundur sado pak do të na ndihmojnë për ta kaluar këtë krizë, ndërsa ne do ta këmbëjme megavat për megavat kur ata kanë nevojë e ne kur të kemi tepricë”, tha Rizvanolli para mediave.