Kryetari i PAI demanton anëtarin e partisë: Vazhdojmë të jemi pjesë e Qeverisë
Kryetari i Partisë së Ashkalinjve për Integrim, Hetem Arifi e ka demantuar njoftimin e zyrtarit të kësaj partie, Gani Elshani se ky subjekt politik ka dalë nga koalicioni qeveritar me Lëvizjen Vetëvendosje.
Arifi i tha Gazetës Express se PAI vazhdon të qëndrojë në koalicion dhe të jetë pjesë e Qeverisë.
“Jo bre keni marrë informacione gabimisht. Ne vazhdojmë me qëndru në koalicion, jemi pjesë e qeverisë”, tha Arifi.
Anëtari i PAI, Gani Elshani, ka shkruar sot në Facebook se kanë dalur nga Qeveria.
“Njoftim : Për elektoratin e Partisë së Ashkalive për Integrim .Prishet kualicioni PAI me VV në nivel qëndror .Largohën nga detyra zv.ministri dhe Këshilltarët”, ka shkruar ai.
Ky postim është fshirë tani.
Partia e Ashkalinjve për Integrim përfaqësohet në Kuvendin e Kosovës me një deputet: Bekim Arifin.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]