Lladrovci: Funksionalizimi i aeroportit në Drenas, do të ishte në dobi të të rinjve tanë

Kryetari i Drenasit, Ramiz Lladrovci ka qenë për vizitë në Belgjikë ku ka takuar mikun e tij, Musa Hoti i cili kontribun në aftësimin e të rinjve për pilotim.

Lladrovci ka folur rreth mundësisë së funksionalizimit të aeroportit në komunën e Drenasit duke shtuar se Hoti është i gatshëm të investojë në Kosovë për të hapur shkollën e pilotimit.

Statusi i plotë:

Ndërmarrësit tanë, janë të dëshmuar për sukseset në diasporë me përkushtimin dhe shpirtin ndërmarrës. Një sukses të veçantë e ka arritur miku im, Musa Hoti, i cili në Bruges (Bryzh) të Belgjikës është pjesë e ekipit për aftësimin e të rinjve për pilotim.

Vizita ime te Musa, me Istrefin dhe Haxhiun, ka të bëj me njohjen e kushteve në këtë shkollë, sepse janë mundësitë e mira për ta ngritur një sikur kjo në Bruges edhe në Drenas.

Funksionalizimi i aeroportit në Korroticë, do të ishte në dobi të të rinjve tanë, për të zotëruar këtë profesion, pilotimin.

Musa është gati të investojë në Kosovë për të hapur shkollën e pilotimit duke bashkëpunuar me shkollën në Bruges, që do të ishte mundësi e mirë e përparimit për të rinjtë tanë dhe vendin tonë.
Faleminderit Musë për mikpritjen./indeksonline