Policia jep detaje se çka u konfiskua nëpër shtëpitë e 8 të arrestuarve në rastin “Brezovica”
Tetë persona kanë përfunduar në pranga në kuadër të aksionit të Prokurorisë Themelore në Ferizaj në bashkëpunim me Policinë e Kosovës për rastin e njohur si ‘Brezovica’.
Përmes raportit 24 orësh të Policisë, bëhet e ditur se tetë të arrestuarit dyshohet se kanë kryer veprën penale ‘Keqpërdorim i pozitës apo autoritetit zyrtar’.
“Njësitë policore me dyshimin e bazuar për kryerjen e veprës penale të lartcekur, duke vepruar në bazë të urdhëresës së lëshuar nga gjykata kanë bërë kontrollin e shtëpive dhe objekteve përcjellëse pronë e tetë (8) të dyshuarve meshkuj kosovarë. Gjatë kontrollit në cilësi të provave materiale janë gjetur dhe konfiskuar: Tri armë të shkurta me 28 copë fishekë, një veturë, pesë telefona dhe disa dokumente të cilat ndërlidhen me rastin.”, thuhet në njoftimin e Policisë.
Gjatë këtij aksioni janë bastisur 12 lokacione të ndryshme në Ferizaj, Prishtinë, Skenderaj dhe Lipjan dhe janë gjithsej shtatë të arrestuar.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]