Këputet një dru, zë veturën në lëvizje në Prishtinë
Para pak çastesh në rrugën “Luan Haradinaj” në Prishtinë, një dru i gjelbër që ndodhet anash rrugës që të çon te lagjja “Qafa”, është këputur. Nga ky incident ka pësuar një veturë në lëvizje, e cila ndodhej në shiritin e majtë të kësaj rruge. Policia tha se deri në këto momente nuk është raportuar për ndonjë person të lënduar dhe as nuk janë shkaktuar dëme materiale.
Dyshohet se druri është rrëzuar për shkak të erës (frymës).
Zëdhënësi i Policisë së Kosovës, Daut Hoxha, ka konfirmuar për Gazetën Express, se rënia e drurit nuk ka lënduar ndonjë njeri dhe nuk ka shkaktuar dëme materiale.
“Dyshohet se druri është rrëzuar nga fryma, njësitet policore kanë dalë në vendin e ngjarjes dhe po merren me rastin. Nuk raportohet për ndonjë person të lënduar apo për dëme tjera materiale”, tha Hoxha për Gazetën Express.
Video nga vendi i ngjarjes:
Po në të njëjtin vend për shkak të erës së madhe ishte rrëzuar edhe vitin e kaluar një dru tjetër i gjelbërt.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]