Osmani në Forumin e Antaliasë, u takua me Erdogan dhe Stoltenberg

Preisdentja Vjosa Osmani është takuar sërish me presidentin turk, Recep Tayyip Erdogan në Forumin Dimplomatik të Antalisë.

“Edicioni i dytë i Forumit Diplomatik të Antalisë ishte një mundësi e shkëlqyer për të takuar dhe diskutuar me homologë e liderë nga mbarë bota për rëndësinë e aleancave dhe bashkërenditjes së qëndrimeve e veprimeve karshi zhvillimeve të fundit në Evropë dhe jo vetëm. E falënderoj Presidentin Recep Tayyip Erdoğan dhe Ministrin Mevlüt Çavuşoğlu për mikpritjen e delegacionit tonë”, ka shkruar Osmani.

Në mesin e takimeve, Osmani njoftoi se ka biseduar edhe me sekretarin e Përgjithshëm të NATO-s, Jens Stoltenberg.

“Pata po ashtu rastin të shkëmbej vlerësime rreth zhvillimeve të fundit edhe me sekretarin e Përgjithshëm të NATO-s, Jens Stoltenberg”, shkroi presidentja në Facebook.

Postimi i plotë:

Edicioni i dytë i Forumit Diplomatik të Antalisë ishte një mundësi e shkëlqyer për të takuar dhe diskutuar me homologë e liderë nga mbarë bota për rëndësinë e aleancave dhe bashkërenditjes së qëndrimeve e veprimeve karshi zhvillimeve të fundit në Evropë dhe jo vetëm. E falënderoj Presidentin Recep Tayyip Erdoğan dhe Ministrin Mevlüt Çavuşoğlu për mikpritjen e delegacionit tonë.

Në frymë të kësaj, në panelin e liderëve, së bashku me Presidentin e Sierra Leones, Julius Maada Bio dhe Kryeministrin e Shqipërisë, Edi Rama, fola për rëndësinë e bashkëpunimit global dhe rajonal për paqen dhe prosperitetin në interes të qytetarëve.

Në kuadër të #ADF2022 u takuam me presidentin e Sllovenisë, Borut Pahor, anëtarin e Presidencës së Bosnje e Hercegovinës, Sefik Dzaferoviq dhe kryeministrin e nominuar të Malit të Zi, Dritan Abazoviq, me të cilët diskutova për zhvillimet në rajonin tonë, rëndësinë e përshpejtimit të rrugëtimit drejt Bashkimit Evropian si dhe intensifikimin e bashkëpunimit rajonal për tejkalimin e sfidave dhe barrierave me të cilat përballemi.

Pata po ashtu rastin të shkëmbej vlerësime rreth zhvillimeve të fundit edhe me sekretarin e Përgjithshëm të NATO-s, Jens Stoltenberg.

Po përgjatë këtyre dy ditëve, takuam edhe Presidentin e Guinea Bissau, Umaro Sissoco Embalo, Kryeministrin e Libisë, Abdul Hamid Dbeibeh, Ministren e Shtetit në Ministrinë e Punëve të Jashtme të Singaporit, Sim Ann, Sekretaren e Përgjithshme të OSBE-së, Helga Schmidt, Sekretarin e Përgjithshëm të Organizatës së Shteteve Turkfolëse, Baghdad Amreyev, me deputetin e Parlamentit Evropian, Ilhan Kyuchyu, si dhe disa përfaqësues të shteteve jo njohëse.

Në të gjitha këto takime, së bashku me Zëvendëskryeministren Donika Gërvalla-Schwarz, potencuam qëndrimin e Republikës së Kosovës në raport me zhvillimet rajonale dhe globale. ADF është shndërruar në platformë të përmasave globale për diskutime përmbajtësore e strategjike, e të cilat u realizuan në një moment tejet të rëndësishëm.