Kurti për vdekjen e Albright: Do të na mungosh, zonja sekretare

Kryeministri i Kosovës, Albin Kurti, ka thënë disa fjalë pas vdekjes së ish-Sekretares së Shtetit të SHBA-së dhe mikes së madhe të shqiptarëve, Madeleine Albright.

Kurti ka thënë se Albright ishte grua e shquar me moral të pakompromis dhe një mike e Kosovës deri në fund.

“Me pikëllim dëgjova për vdekjen e Madeleine Albright, një grua e shquar me moral të pakompromis për Shtetet e Bashkuara, një mike e Kosovës deri në fund dhe një partnere me të gjithë ata që ndoqën paqen, lirinë dhe demokracinë. Do të na mungosh, zonja sekretare”, ka shkruar ai.

Saddened to hear of the passing of Madeline Albright, a remarkable woman with uncompromising morals for the United States, a friend of Kosova to the end, and a partner with all who pursued peace, freedom and democracy. We will miss you, Madam Secretary. pic.twitter.com/Dr1kYgOREv

— Albin Kurti (@albinkurti) March 23, 2022

Madeleine Albright, gruaja e parë sekretare e shtetit të SHBA-së dhe mike e madhe e shqiptarëve, e cila ndihmoi në drejtimin e politikës së jashtme perëndimore pas Luftës së Ftohtë, ka vdekur. Ajo ishte 84 vjeç.

Vdekja e saj u konfirmua në një email drejtuar stafit të Albright Stonebridge Group, një firmë strategjike globale e themeluar nga Albright.