Ministrja Haxhiu i nisi sot vizitat në paraburgimin e Speciales

Ministrja e Drejtësisë, Albulena Haxhiu sot ka nisur vizitat në paraburgimin e Gjykatës Speciale në Hagë, ku pritet të takoj disa nga krerët e Ushtrisë Çlirimtare të Kosovës.

Nga kabineti i saj kanë njoftuar se ministren do ta presin në takim ish-kryetari i Kuvendit, Jakup Krasniqi dhe ish-deputeti Rexhep Selimi.

Ambasadori i Kosovës në Holandë, Dren Doli është shprehur i lumtur t’i mirëpres ministren Albulena Haxhiu, nënkryetaren e Kuvendit, Saranda Bogujevcin dhe të tjerët që janë në këtë vizite.

“I lumtur t’i mirëpres në Holandë, Ministren e Drejtësisë nga Kosova Albulena Haxhiu, Saranda Bogujevcin, nënkryetaren e Kuvendit të Kosovës, Z. Adnan Rrustemi – Kryetar & Z. Erxhan Galushi – anëtar i Komisionit Parlamentar për Legjislacion dhe Imunitete”, ka shkruar Doli.

Happy to welcome to the #Netherlands 🇳🇱, the 🇽🇰 Minister of Justice @albulenahaxhiu_, @SaraBogujevci – Vice-President of the Assembly of 🇽🇰, Mr. Adnan Rrustemi – Chairman & Mr. Erxhan Galushi – of the Parliamentary Committee on Legislation&Immunities. Busy week ahead. 🇽🇰🇳🇱 pic.twitter.com/7kPvvBEvyD

— Dren Doli (@DrenDoli) March 29, 2022

Haxhiu nuk do ta vizitojë ish-presidentin Hashim Thaçi dhe ish-kryeparlamentarin Kadri Veseli. Siç tha dje në Aeroportin e Prishtinës para se të nisej drejt qytetit holandez, ata nuk na kanë pranuar të takohen me të.