Arrestohet 33-vjeçari në Shtime për rrahje të bashkëshortes
Një person është arrestuar të mërkurën pasdite për dhunë në familje.
Policia është lajmëruar për rastin e ndodhur në Shtime, në rrugën “Tahir Sinani”.
Sipas njoftimit të Policisë, 33-vjeçari ka ushtruar dhunë fizike ndaj bashkëshortes së tij dhe ajo më pas është dërguar për trajtim mjekësor për shkak të lëndimeve që ka pësuar.
“Policia menjëherë i ka marrë veprimet e nevojshme dhe ka dalë në vendin e ngjarjes dhe rreth orës 16:00 ka arrestuar personin me inicialet J.M., i cili shkak i një mosmarrëveshje ka ushtruar dhunë fizike ndaj bashkëshortes së tij me inicialet E.M. e moshës 33 vjeçare. Ajo kishte pranuar edhe trajtim mjekësor në Qendrën e Mjekësisë Familjare në Shtime”, thuhet në njoftimin e Policisë së Kosovës.
Me vendim të prokurorit, i dyshuari është dërguar në mbajtje për 48 orë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]