Mimoza Kusari flet për raportet me Ilir Dedën

Kusari e ka konfirmuar që në partinë e saj mbajnë qëndrime të ndryshme. Mirëpo, ajo thotë se dallimi në mendim nuk është fundi i subjektit të saj, por ‘vlerë që e kultivojnë’.

“Demokraci do të thotë liri e mendimit, fjalës dhe veprimeve të lirë konform ligjeve në fuqi. Sot dua të ju komunikojë se #Alternativa është më e fortë se dje dhe më e dobët se nesër. Se mund të dallojmë në zgjidhjet për çështje të caktuara në mes nesh, nuk do të thotë se nuk i ndajmë vlerat dhe parimet e njejta. Nëse njerzit dallimin e mendimeve e marrin si fund të një subjekti, ne e marrim si vlerë dhe e kultivojmë atë. Më shumë mendime, më shumë ide dhe më shumë zgjidhje kreative. Për atë edhe quhemi #Alternativa #Kosova #MundësitëEReja #neëchallengesneëideas”, ka shkruar Kusari.

Gazeta Express ka raportuar dje se dyshja e Alternativës kanë qëndrime të kundërta për rezolutën e iniciuar nga PSD, sipas së cilës opozita duhet t’i bashkohet dialogut me Serbinë.

Kusari, ashtu sic edhe ka vendosur kryesia e kësaj partie, nuk dëshiron ta përkrah rezolutën, pa përfshirje të LDK’së dhe Vetëvendosjes.

Në një prononcim për Express, të martën Kusari nuk e ka pohuar se kanë qëndrime të njëjta me Dedën rreth rezolutës për dialogun.