Ish-kryeministri britanik David Cameron mbërrin në Prishtinë
Ministri i Jashtëm dhe ish-kryeministri britanik, David Cameron ka mbërritur në Prishtinë, ku do të qëndrojë për një vizitë një-ditore.
Ai në Aeroportin Ndërkombëtar të Prishtinës “Adem Jashari” është pritur nga kryediplomatja e Kosovës, Donika Gërvalla, transmeton lajmi.net.
Cameron nesër do të zhvillojë takime me krerët më të lartë të shtetit.
“Kryediplomati David Cameron është pritur në Aeroportin Ndërkombëtar të Prishtinës “Adem Jashari”, nga zv. Kryeministrja dhe Ministrja e Punëve të Jashtme dhe Diasporës, Donika Gërvalla, me të cilën do të zhvillojë takim ditën e nesërme duke filluar nga ora 08:30 në zyrat e MPJD-së. Pas takimit dypalësh, zv.Kryeministrja dhe Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Mbretërisë së Bashkuar, David Cameron do t’iu adresohen medieve”, thuhet në një njoftim.
David Cameron ka qenë Kryeministër i Mbretërisë së Bashkuar gjatë viteve 2010-2016 dhe aktualisht ushtron detyrën e Ministrit të Jashtëm.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]