Aktualiteti politik dhe siguria në Kosovë, temë diskutimi mes Gërvallës dhe Notarit në Monako
Ministrja e Punëve të Jashtme e Kosovës, Donika Gërvalla ka takuar sot Kryetarin e Komisionit për Punë të Jashtme të Monakos, Fabrice Notari, shkruan Reporteri.net.
Në kumtesën për media thuhet se bashkëpunimi në politikën e jashtme, thellimi i bashkëpunimit mes dy parlamenteve dhe mbështetja në anëtarësimin e Kosovës në organizata të tjera ndërkombëtare ishin temat qendrore të takimit të Gërvallës me kryetarin Notari.
“Gjatë takimit biseda u fokusua në aktualitetin politik dhe sigurinë në Kosovë dhe rajon, procesin e anëtarësimit të Kosovës në Këshillin e Evropës, marrjen e statusit të anëtarit të përhershëm në Organizatën e Frankofonise dhe tema të tjera me interes të përbashkët”, thuhet në njoftim.
Ministrja Gërvalla, thuhet tutje, shprehu falënderimin e saj ndaj Principatës së Monakos për mbështetjen që i ka dhënë Kosovës në fusha të ndryshme, e sidomos në fushën e telekomunikimit si dhe në procesin e anëtarësimit në organizata ndërkombëtare.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]