I vihet zjarri veturës së kryetarit të Kuvendit Komunal në Leposaviq
Një veturë dyshohet se është djegur në orët e para të së dielës në Leposaviq.
Policia ka njoftuar se vetura është pronë e kryetarit të Kuvendit Komunal në Leposaviq, i cili edhe e ka raportuar rastin.
“Sipas informative fillestare cak i djegies ka qenë vetura e tipit Fiat Punto, me targa të Republikës së Kosovës. Në këtë rast raportohet që ankuesi është mashkull serb (Kryetar i Kuvendit në Kuvendin Komunal në Leposaviq). Në afërsi të veturës te motori është hasur një shishe plastike dhe një leckë e cila kundërmon në benzinë e që dyshohet se është vendosur si ndezës për ta djegure veturën”, thuhet në njoftimin e Policisë.
Lidhur me rastin, thuhet se janë ndërmarrë të gjitha veprimet e nevojshme hetimore, ndërsa me udhëzim të prokurorit është iniciuar rasti “Zjarrvënie”.
Policia ka njoftuar se lidhur me rastin po kryen hetime intensive.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]