Vogel: Vuçiq po pret rizgjedhjen e Donald Trump dhe zgjedhjet në PE për të ndryshuar qasja me Kosovën

Bashkëpunëtori i Këshillit për Politikat e Demokratizimit dhe njohës i Ballkanit Perëndimor, Toby Vogel, ka shprehur qartazi skepticizmin e tij për përparimin e dialogut mes Kosovës dhe Serbisë, këtë vit.

Në një intervistë Telegrafin, Vogel thekson një sërë arsyesh që, sipas tij, frenojnë arritjen e një marrëveshjeje përfundimtare.

Vogel kritikon qasjen aktuale të BE-së dhe ndërmjetësve të saj në procesin e dialogut, duke argumentuar se mungon një presion i balansuar mes palëve.

Ai sugjeron se duhet të zvogëlohet presioni ndaj Kosovës dhe të rritet ai ndaj Serbisë për të krijuar një terren më të barabartë për arritjen e një marrëveshjeje.

Duke iu referuar gjendjes politike aktuale, ai pohon se presidenti i Serbisë, Aleksandar Vuçiq, duket se po pret që situatat politike – si zgjedhjet e ardhshme të Parlamentit Evropian dhe mundësinë e një administrate të re Trump në SHBA – të luajnë në favor të tij.

Ai gjithashtu akuzon Vuçiq për pengimin e dialogut dhe për mosmarrjen e përgjegjësive për çështje të tilla si rasti në Banjskë.

Më tej, Vogel thekson se qeveritë perëndimore janë të ngarkuara nga konfliktet e mëdha në rajonin e BE-së, siç janë luftërat në Ukrainë dhe Gaza. Si pasojë, sipas tij, ato janë të prirura të ndjekin rrugët më të lehta dhe të shpenzojnë sa më pak kapital politik në dialog, duke konsideruar stabilitetin aktual si të mjaftueshëm, pavarësisht incidenteve të dhunshme.

Në përfundim, Vogel është kritik ndaj qëndrimeve të Vuçiq, duke e akuzuar atë për promovimin e nacionalizmit dhe shovinizmit në Serbi dhe për të qenë i pavendosur për ndryshime reale.

Ai përfundon me theksimin e qëndrimit zyrtar të Serbisë kundra njohjes së Kosovës dhe vlerëson se kjo qasje bën të duket se çdo “marrëveshje” e arritur deri më tani është në fakt e pakuptimtë.