​AKI ndihmoi në zbulimin e vendndodhjes së kosovarit të kërkuar për vrasjen në Norvegji

Policia e Kosovës, gjegjësisht njësiti (Fast Kosova), me mbështetje të Njësisë Speciale Operative, sot më 21.02.2024, ka arritur të lokalizojë dhe më pas të arrestojë në Ferizaj, një shtetas të Kosovës, i cili ishte i kërkuar me urdhër-arrest ndërkombëtar.

I arrestuari është Visar Avdyli, teksa i njëjti ishte i shpallur në kërkim ndërkombëtar nga autoritetet norvegjeze për veprën penale “vrasje” të kryer në Oslo më 07.10.2021.

Burimet e KosovaPress bëjnë të ditur se vendndodhja e tij u zbulua nga Agjencia e Kosovës për Inteligjencë (AKI)

Personi i arrestuar përveç shtetësisë kosovare, posedon edhe shtetësi norvegjeze, ndërsa në momentin e arrestimit të njëjtit i është gjetur një armë zjarri si dhe disa pasaporta të shteteve të tjera, të cilat me gjasë janë të falsifikuara.

Arrestohet në Kosovë njëri nga vëllezërit Avdyli, i akuzuar për vrasje në Norvegji
Lexo po ashtu
Arrestohet në Kosovë njëri nga vëllezërit Avdyli, i akuzuar për vrasje në Norvegji
Vëllezërit Valon dhe Visar Avdyli nga Baerumi në Norvegji, që më herët ishin burgosur për terrorizëm, akuzohen për vrasjen e Hamse Hashi Adan, 20-vjeç, dy vite më parë në Norvegji.

Ata ishin në kërkim ndërkombëtar që nga tetori i vitit 2021.