Aksident mes kamionit e veturës në rrugën Pejë-Prishtinë, tre të lënduar
Të paktën tre persona kanë mbetur të lënduar si pasojë e një aksidenti të ndodhur në magjistralen Pejë-Prishtinë, përkatësisht në fshatin Gllaviqicë të enjten në mbrëmje.
Zëdhënësi i Policisë, Fadil Gashi, ka thënë se të lënduarit janë dërguar në Spitalin Rajonal të Pejës për trajtim mjekësor.
Sipas tij, të përfshirë në këtë aksident janë një veturë dhe një kamion.
“Rreth orës 19:05 policia është njoftuar për një aksident trafiku në magjistralen Pejë-Prishtinë, fshatin Gllaviqicë. Në aksident kanë qenë të përfshirë një kamion dhe një veturë, tre persona kanë pësuar lëndime dhe janë dërguar për trajtim mjekësor në Spitalin e Pejës. Lëndimet nuk janë serioze”, ka thënë Gashi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]