Hoxhaj: Me këtë ritëm të tmerrshëm të gabimeve të Qeverisë Kurti, do të mbetemi pa aleatë

Nënkryetari i Kuvendit të Kosovës, Enver Hoxhaj, ka thënë se qëndrimi amerikan është duke u përkeqësuar, derisa edhe aleatët kryesorë evropianë janë në kulm të pakënaqësive me Qeverinë Kurti.

“Fakti që vendimi për tokat e manastirit shkoi huq, tregon për një amatorizëm dhe një mos koordinim eklatant me aleatët shtetbërës të Republikës së Kosovës.”, ka shkruar Hoxhaj në rrjetin social Facebook.

Hoxhaj: Me këtë ritëm të tmerrshëm të gabimeve të Qeverisë Kurti, do të mbetemi pa aleatëTentuan ta godasin me veturë, tre të arrestuar për sulm ndaj zyrtarëve policorëTri shenjat e horoskopit që mbeten miq me ish-partnerëtHaziri reagon pas deklaratave të Escobarit: Nëse qeveria s’bie me dorëheqje, bie në for…Forumi ekonomik Kosovë-Slloveni, pritet të marrin pjesë mbi 80 biznese

Ish-ministri i Jashtëm i Kosovës, Hoxhaj, gjithashtu tha se deklaratat e pamatura dje, sot morën një dush të ftohtë, siç u shpreh ai.

“Mosbesimi është thelluar aq shumë me aleatët, sa që diplomacia jonë është krejtësisht e izoluar dhe joefektive. Nuk po flitet më për njohje dhe anëtarësime në diplomaci me aleatët, po për dinarë e për kadastra! Kjo tregon që politika e jashtme është kthyer në ofiqari për dinarë e për kadastra”, ka shkruar tutje Hoxhaj.

Në fund të reagimit të tij, Hoxhaj tha se përgjegjësia e plotë për këtë i takon kësaj qeverie, dhe u shpreh se “do mbesim pa aleatë me këtë ritëm të tmerrshëm të gabimeve!”. “Por, Kosova nuk do t’ia kthej shpinën aleatëve, por kësaj qeverie anti-historike”, ka shkruar Hoxhaj.