Zbulohet plani i Real Madridit për Courtois dhe Militao përpara rikthimit të shumëpritur

Real Madridi ka planifikuar ndeshje miqësore gjatë pushimit ndërkombëtar për të testuar aftësinë e portierit Thibaut Courtois dhe mbrojtësit Eder Militao.

Carlo Ancelotti dhe stafi i tij mjekësor i duan të dy yjet e tyre në prill, por pa rrezikuar.

“Ata kanë filluar të punojnë me ekipin këtë javë, ne do të përfitojmë nga kjo pauzë për të bërë miqësore kundër ekipit të të rinjve”, ka thënë fillimisht Ancelotti.

“Unë mendoj se ata do të jenë gati për ndeshjen e datës 31 mars (kundër Athletic Bilbao). Ne nuk do të rrezikojmë. Ata po bëjnë shumë mirë”, përfundoi ai.

Courtois pësoi një dëmtim të ligamentit të kryqëzuar anterior (ACL) në stërvitje pak para fillimit të sezonit, duke bërë që Real Madridi të sjellë Kepa Arrizabalaga në huazim nga Chelsea si mbulim.

Militao, ndërkohë, grisi (ACL) në gjurin e tij të majtë në ndeshjen hapëse të sezonit dhe nuk ka luajtur që atëherë. Ishte menduar se të dy mund të mos kthehen këtë sezon.

Belgu dhe braziliani ka të ngjarë të jenë të disponueshëm për ndeshjen çerekfinale të Ligës së Kampionëve kundër Manchester Cityt, ndeshja në shtëpi e të cila do të zhvillohet më 9/10 prill dhe ndeshja jashtë vendit një javë më vonë.