Me ftesë të komandantit të Ajovës, komandanti i FSK-së vizitë zyrtare në SHBA

Me ftesë të komandantit të Gardës Kombëtare të Ajovës, gjeneralmajor Stephen Osborn, komandanti i FSK-së, gjenerallejtënant Bashkim Jashari dhe delegacioni i tij po qëndrojnë në vizitë zyrtare në Ajova, SHBA.

Në ditën e parë të vizitës, gjenerali Osborn priti në takim bilateral gjeneral Jasharin ku u diskutua për aktivitetet e përbashkëta në kuadër të Programit të Partneritetit Shtetëror mes dy forcave si dhe synimet për avancimin e aktiviteteve bazuar në planin afatmesëm të bashkëpunimit.

Eiza Gonzalez duket magjepsëse me një fustan të bardhë në premierën e “The Ministry of …U tha se do të bëhet trajner i Man Utd, Southgate i përgjigjet spekulimeveNjë javë e mbarë për futbollin kosovar – paraqitje të shkëlqyera nga Kosova U19, U21 dh…Të paktën 40 të vdekur dhe dhjetëra të lënduar – çfarë dihet deri më tani në sulm…Qeveria ndan mbi 250 mijë euro për procesin e votimit në veri më 21 prill
“Të dy gjeneralët u pajtuan të zhvillojnë tutje programin në fushat e manovrës, logjistikës, kibernetikës, mjekësisë si dhe zhvillimit të korit të nënoficerëve.

Po ashtu gjatë kësaj vizite u realizuan edhe disa sesione të prezantimeve për rekrutimin dhe zhvillimin e kapaciteteve njerëzore, mbi gatishmërinë si dhe modernizimin. Të dy delegacionet patën mundësi të shkëmbejnë përvoja dhe praktika nga të dy vendet përkatëse”, thuhet në njoftim.

Ndërkaq, në ditën e dytë të vizitës së tij Gjeneral Jashari dhe delegacioni i tij u pritën nga zëvendës guvernatori i Ajovës, Adam Gregg.

Gjatë takimit gjeneral Jashari falënderoi Gregg për mbështetjen e vazhdueshme që shteti i Ajovës po jep për Kosovën në përgjithësi dhe FSK-në në veçanti.

Në takim u fol për arritjet e FSK-së, dhe rrugën përpara në zhvillimin e kapaciteteve të reja. Zëvendësguvernatori u shpreh i kënaqur me nivelin e bashkëpunimit dhe të arriturat si dhe shprehu gatishmërinë për të vazhduar tutje në thellimin e bashkëpunimit në nivel sa më të lartë.

Delegacioni i FSK-së, ka vizituar edhe Konsullatën e Kosovës në Ajova.