“A e ke prek najherë flamurin e Kosovës”, kandidatja e AAK-së përplaset me kandidatën e VV-së

Kandidatja për deputete në Gjakovë Burbuqe Bakija Deva nga koalicioni AAK-PSD dhe kandidatja për deputete e VV-së, Mimoza Shala janë përplasur lidhur me temën e flamurit.

Në debatin televiziv Frontal të televizionit T7, kandidatja nga AAK-PSD iu drejtua Mimoza Shales se pse ajo e ka djegur flamurin e Kosovës dhe se a e ka prekur najherë flamurin.

“ A e ke preke najhere flamurin, po  ti e ke kallë flamurin e Kosovës. Është fotografia që e dëshmon, ke dalë në fotografi, tu festu. Ti e ke kallë e ke dalë në foto”, ka thënë Burbuqe Bakija Deva.

Ndërsa, Mimoza Shala nga Vetëvendosje e ka mohuar se ka djegur flamurin e Kosovës.

Ajo ka thënë se këtë e ka bërë një shok i saj.

“Unë se kam kallë, e ka kallë një mik i imi, Elbasan Morina. Unë po mendoj që ti je ma e ngritur, nuk duhesh me folë me gjuhë te komenteve të facebook-ut”, ka thënë Shala

“Nuk kam festu, është vetëm moment që kam dalë në fotografi. Kurrë se kam kallë. Unë jam betu vec para një flamuri, është ai kuq e zi. Por në institucione, kam me respektu flamurin e Kosovës”, ka thënë tutje.