Një aksident i rëndë trafiku ka ndodhur në fshatin Kaçandoll të Mitrovicës.
Një aksident i rëndë trafiku ka ndodhur sot në fshatin Kaçandoll të Mitrovicës ku një veturë ka rënë në humnerë.
Si pasojë e këtij aksidenti ka edhe persona të lënduar, por nuk dihet numri i tyre.
Rastin për media e ka konfirmuar zëdhënësi i policisë për Rajonin e Mitrovicës, Avni Zahiti.
“Mund të konfirmoj se kemi informatën për një aksident trafiku me persona të lënduar, por ende nuk kemi detaje më shumë”, ka thënë Zahiti.
Në vendin e ngjarjes ndodhen policia dhe ambulanca.
Më poshtë ju sjellim pamjet që ka siguruar “Jepi Zë”.