Është arrestuar një person 27 vjeçar me inicialet A.Xh. pasi atij iu gjetën armë e municion.
Policia në Prizren më 8 qershor kishte pranuar informacion se një qytetar mbante dhe ekspozonte armë në brezin e tij.
Rasti kishte ndodhur në rrugën “Turgut Ozal” në Prizren. Shqetësimit të qytetarëve policia i është përgjigjur menjëherë, duke e ndaluar të dyshimtin dhe gjatë kontrollit trupor i kishte gjetur një armë e tipit pistoletë.
Ndërsa gjatë zbatimit të urdhër-kontrollit, policia konfiskuan edhe dy armë tjera të tipit pistoleta së bashku me municionin përkatës.
Në cilësinë e provës materiale u sekuestruan gjithsej tri armë pistoleta, 50 fishek kalibër 6.35 mm, 26 fishek kalibër 7.65 mm, 15 fishek kalibër i panjohur, 19 fishek të pistoletës me gaz dhe 1 fishek me mbishkrim 9×17.
Për veprën penal mbajtje në pronësi, kontroll ose posedim të paautorizuar të armëve u ndalua i dyshimti A.Xh i lindur në vitin 1994, i cili më aktvendim të prokurorit të Shtetit ndalohet në mbajtje në afat prej 48 orë.