ATK mbledh 122 milionë euro më shumë se vitin e kaluar

Administrata Tatimore e Kosovës ka njoftuar se janë mbledhur 512,5 milionë euro tatime për periudhën janar-tetor 2021, teksa sipas tyre thuhet se ka pasë rritje 31.3 përqind në periudhën e njëjtë me të vitit të kaluar.

“Janë 512.5 milion euro tatime të mbledhura për periudhën janar-tetor 2021, të hyra këto të cilat tejkalojnë projeksionet e planifikuara për këtë periudhë kalendarike, duke shënuar rritje për 122.1 milion euro apo 31.3 % në krahasim me periudhën e njëjtë të vitit të kaluar”.

Tutje në komunikatën e tyre thuhet se nëse vazhdon kjo rritje, pritet të tejkalojë totalin e projeksionit për vitin 2021, transmeton klankosova.tv.

“Ndërsa, nëse i referohemi planit kemi rritje të inkasimit për 40.2 milion euro apo 8.5%. Sipas këtij trendi ATK pret që deri në fund të këtij viti të tejkaloj totalin e projeksionin për 2021. Indikatorët të cilët çdoherë janë duke dhënë rezultate në realizimin e objektivave, janë shërbimet e mira ndaj tatimpaguesve, të cilat afro 100% janë digjitalizuar, po ashtu trajtimi i barbarët dhe profesional janë vlerë e shtuar e këtij reflektimi të performance”, thuhet në reagimin ATK-së.

ATK falënderon gjithë tatimpaguesit të cilët kanë kryer obligimet e tyre tatimore, si dhe inkurajojmë gjithë pjesën tjetër të tatimpaguesve, të cilët sipas analizave të bëra nuk kanë deklaruar saktë pjesën që ju takon, t’i përgjigjen thirrjeve të ATK-së, me qëllimin e vetëm që mos të bëhen objekt i masave ndëshkimore.