Fjalë Kyçe

Bajrami: Thesari nuk është pika e dobët e Hykmete Bajramit

Bajrami: Thesari nuk është pika e dobët e Hykmete Bajramit

Ish-ministrja e Financave, Hykmete Bajrami ka folur për zhvillimet e fundit në vend dhe për debatin që u riaktualizua për çështjen e vjedhjes së Thesarit të Shtetit.

Bajrami ka thënë se vjedhja e Thesarit “nuk është pika e dobët e Hykmete Bajramit”.

Ajo shtoi se nuk mban përgjegjësi për atë që ka ndodhur pasi thotë se i ka marrë të gjitha masat.

“E vetmja përgjegjësi ka qenë që kam qenë ministre në kohën kur ka ndodhur ky skandal. Të gjithë duhet ta dinë, se Thesari nuk është pika e dobët e Hykmete Bajramit. Ka qenë fatkeqësi, nuk ka qenë përgjegjësi e imja. Unë nuk mbaj përgjegjësi për atë që ka ndodhur, i kam marrë të gjitha masat. Ka aktakuzë të ngritur. Njerëzit janë në burg dhe ai rast po hetohet”, tha Bajrami në T7.