“Bayern Munich përgatitet për një revolucion rrënjësor”

“Bayern Munich fillon punën për një revolucion rrënjësor që do të finalizohet gjatë verës së ardhshme. Të parët që do të ndryshojnë janë drejtuesit e klubit.

Uli Henes u rizgjodh të martën si kryetar i bordit supervizor të Bayernit, detyrë që parashikohet ta mbajë deri në vitin 2022.

Pritet që Hënes, të hedhë kandidimin si president për zgjedhjet që do të zhvillohen në nëntorin e ardhshëm. Në fakt askush nuk e vë në dyshim që 66-vjeçari do konfirmohet në këtë detyrë.

Megjithatë, në muajt e ardhshëm Hënes do të ketë shumë punë për të bërë, deri në nëntorin e ardhshëm duhen ndryshime madhore për të justifikuar votën e kërkuar nga anëtarët e bordit.

Në verë do të largohet Arjen Roben dhe me shumë gjasa edhe francezi Frank Riberi, ndaj parashikohet revolucion i madh në ekip, raporton atsh.

Duke folur për “Bild”, Hënes zbulon planet e së ardhshme, “Kur gjithë lojtarët të jenë në formë të plotë fizike, skuadra do jetë e nivelit të lartë për pjesën e dytë të sezonit, duam të fitojmë trofe edhe në këtë sezon. Kjo do të thotë që verën e ardhshme do të punojmë shumë për përforcime dhe do të investojmë, nëse gjejmë lojtarët e duhur në treg”, u shpreh drejtuesi “bavarez”.