Bedri Hamza tregon se a do të kandidojë për kryetar të Mitrovicës
Ministri i Financave, Bedri Hamza është zgjedhur kryetar i degës së PDK-së në Mitrovicë.
Ai në KTV tha ndonëse është herët të flitet, nuk e përjashton mundësinë e kandidimit për kryetar të këtij qyteti.
“Unë nuk e përjashtova si mundësi mirëpo e thashë që është shumë herët me fol për këtë çështje sepse në çfarëdo forme zgjedhjet nacionale edhe në aspektin ligjor dhe kushtetues, në supozimin se kjo qeveri do të shkojë deri në fund të mandatin, zgjedhjet nacionale i paraprijnë atyre lokale”, ka thënë Hamza.
Ai ka mohuar të ketë pasur problem gjatë zgjedhjeve të brendshme të PDK-së në komuna, veçanërisht atë të Mitrovicës.
“Po e them me përgjegjësi, asnjë fjalë që është pak ma të rëndë nuk e kam dëgju gjatë këtij procesi. Ka qenë një proces shumë fer, shumë transparent, po garues, ka pas raste kur dy miq të mirë kanë garuar dhe në fund të procesit ia kanë dhënë dorën njëri-tjetrit”, ka thënë ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]