Bekim Jashari do të kandidojë edhe për një mandat për kryetar të Skenderajt
Kryetari i Komunës së Skenderajt, Bekim Jashari ka bërë të ditur se do të garojë sërish edhe për një mandat për kryetar të kësaj komune.
Jashari deklaroi se është në dorën e qytetarëve që të vendosin nëse ai do të ketë edhe një mandat.
“Tashmë e kam konfirmuar se do të jem kandidat edhe për një mandat për kryetar të Skenderajt, se a do të kem edhe një mandat është në dorën e qytetarëve”, u shpreh ai në Kanal 10.
Ndryshe, Bekim Jashari është djali i heroit të vendit, Hamëz Jashari. Ai kishte vendosur të kandidojë për kryetar të Skenderaj gjatë vitit 2017, pasi që një gjë të tillë ia kishin kërkuar bashkëvendësit e tij përmes një peticioni që ata kishin organizuar.
Zgjedhjet lokale pritet të mbahen në vjeshtë të këtij viti.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]