Berisha mungon tre muaj
Mesfushori i Kosovës, Bernard Berisha do t’i mungojë Ahmat Groznit për tre muaj.
Klubi elitar i Rusisë, ka njoftuar të premten se Berisha e ka kryer me sukses operimin e krahut të majtë.
Ai operimin e ka bërë në një klinikë në Romë të Italisë dhe do t’i duhen tre muaj për t’u rikuperuar plotësisht.
Në njoftimin e klubit thuhet se me padurim e presin kthimin e Berishës në fushë.
29-vjeçari këtë sezon ka regjistruar vetëm katër paraqitje në Superligën e Rusisë dhe ka bërë dy asistime.
Ai është pjesë e këtij klubi prej vitit 2017 kur iu bashkua nga Anzhi dhe ka kontratë deri në verën e vitit të ardhshëm.
Berisha, gjithashtu ka edhe 18 ndeshje dhe një gol të shënuar me Përfaqësuesen e Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]