Bill Gates thotë se zgjidhja e Covid-19, e ngjashme me zgjidhjen e ndryshimeve klimatike

Zhdukja e pandemisë së koronavirusit do të ishte shumë e thjeshtë, krahasuar me sfidën e ndryshimeve klimatike.

Kështu ka thënë sot themeluesi i grupit Microsoft, Bill Gates , i cili shtonte se nëse njerëzit arrijnë të zgjidhin çështjen e ngrohjes globale, kjo do të ishte gjëja më e mrekullueshme e arritur nga njerëzimi.

Ai shtoi: “Ne nuk kemi arritur kurrë të bëjmë një tranzicion si ky që jemi duke bërë në 30 vitet e ardhshme, për këtë nuk ka precedentë”.

Miliarderi ishte duke folur me rrjetin BBC për librin e tij të ri “Shmangia e katastrofës klimatike”, teksa përmendi faktin se bota i shton çdo vit atmosferës 51 miliardë ton gaze me efekt serë. Kjo shifer duhet të arrijë në zero, që do të thotë se duhet të ndodhin reduktime drastike.

Libri i tij thotë se duhet të ketë një fokus të tekologjisë në reduktimin e gazeve me efekt serë dhe të nevojës për perdorimin e tyre.

Për momentin energjia e rinovueshme po ndihmon në reduktimin e energjisë elektrike nga karboni, por rreth 70% e ekonomisë botërore përfshin transportin, çelikun, çimenton, fertilizuesit e të tjera, të cilat është shumë e vështirë të përpunohen pa karburante fosile.

Gates thotë se qeveritë duhet të udhëheqin nxitjen drejt inovacionit, dhe të investimeve te kërkimet shkencore.

“Ne duhet të caktojmë çmimet e sinjaleve për të treguar se kërkojmë produkte të gjelbra”, shkruan filantropisti, që raportohet se ka dhuruar miliona dollarë në kërkimet për koronavirusin, me anë të fondacionti të tij Gates Foundation.

Në një përmbledhje të librit të tij Gates shkruan: “Çështja e arritjes së emetimeve zero është shumë e fortë. Vendosja e objektivit për reduktimin e tyre, dhe jo eliminimin, nuk do të fuksionojë. Qëllimi i vetëm serioz është zero emetime”.