Fjalë Kyçe

Caktohet periudha kur do të rriten pagat e mjekëve

Caktohet periudha kur do të rriten pagat e mjekëve

Ministria e Shëndetësisë ka reaguar për grevën e punëtorëve shëndetësorë. Në një reagim për media ata thonë se po e përcjellin me vëmendje këtë grevë dhe gjatë këtij viti ka punuar për kërkesat e tyre.

” Për këtë qëllim, është punuar në Projektligjin për pagat në sektorin publik, të cilin e ka miratuar Qeveria e Republikës së Kosovës dhe të njëjtin e ka dërguar në Kuvend”.

“Tani, MSh pret të miratohet buxheti për vitin 2019 dhe t’i hapet rruga për kalim në Kuvend edhe Projektligjit për pagat në sektorin publik. Me buxhetin për vitin 2019 parashihet rritja e pagave në sektorin shëndetësor”.

“Krahas angazhimeve të tjera, në këto momente duhet të mendojmë dhe të kujdesemi edhe për gjendjen dhe trajtimin korrekt të pacientëve tanë, duke u angazhuar njëkohësisht që të sigurohet më e mira edhe për profesionistët shëndetësor të gjitha niveleve”.

Kjo ministri konsideron se të gjitha problemet mund të zgjidhen përmes bashkëpunimit dhe dialogut social.