Chelsea fiton minimalisht, Malmo humb gjasat për kualifikim tutje
Chelsea ka arritur të shënojë fitore ndaj Malmos në udhëtim me rezultat 0:1, në kuadër të xhiros së katërt të fazës së grupeve në Ligën e Kampionëve.
Pjesa e parë u mbyll ashtu edhe siç nisi, pa gola, por me disa raste të londinezëve.
Goli i vetëm në ndeshje erdhi në minutën e 56-të, kur Odoi bëri një asist fantastik për Ziyech, i cili nuk e pati të vështirë ta dërgonte topin në rrjetë.
Krejt në fund të ndeshjes, Pulisic e pati një mundësi të artë, duke e kaluar edhe portierin, por nuk arriti të godiste saktë në portën e boshatisur.
Kështu, Chelsea shkon në kuotën e nëntë pikëve në vendin e dytë, aq sa ka edhe Juventusi në vendin e parë, por me një ndeshje më pak të luajtur.
Në anën tjetër, Malmo mbetet pa pikë në vendin e fundit dhe ka humbur gjasat për kualifikim tutje. /Gazeta Express
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]