Cilit Albin me i besu? Daut Haradinaj ia kujton Kurtit një deklaratë të vitit 2015 për rrymë
Daut Haradinaj nga AAK-ja ia ka kujtuar kryeministrit Albin Kurti deklaratën e tij për rrymë të vitit 2015, në kohën sa ishte në opozitë.
Kurti në vitin 2015 kishte thënë se ‘Zyra e Rregullatorit deri tani është sjellë si zyrë kontabiliteti e kompanisë private KEDS/KESCO. Zyra e Rregullatorit do të duhej të mbronte interesin e qytetarëve duke mos i rritur çmimet’.
Haradinaj e bashkangjiti edhe aprovimin e sotëm të Qeverisë të udhëhequr nga Kurti për propozimin e ZRRE-së për shtrenjtimin e rrymës.
“Cilit Albin me i besu!?”, shkroi Haradinaj në fotografinë e postuar me deklaratat e Kurtit.
Kujtojmë se ekzekutivi ka bërë me dije se do t’i japë 75 milionë euro për subvencionimin e energjisë për qytetarët dhe bizneset. Por, njoftimi i Qeverisë ka ngjallur kritika të shumta pasi u mor vesh se qytetarëve që shpenzojnë mbi 600 kWh në muaj mund t’u shtrenjtësohet fatura ndoshta dyfish nga shkurti./express.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]