Çmimi i derivateve në Kosovë pritet të rritet edhe më shumë
Në Kosovë pritet të ketë rritje të çmimit të derivateve, pasi ka lëvizje të mëdha të çmimit edhe në Berz.
Këtë e ka konfirmuar për Indeksonline edhe kryetari i Shoqatës së Naftëtarëve, Fadil Berjani.
Berjani bëri të ditur se do të ketë rritje “të lehtë të çmimit”. Siç thotë ai, lëvizjet në Berz po reflektojnë edhe tek ne.
“Ka lëvizje në Berz, brenda ditës 4 deri në 5 herë ka levizje, herë rritet apo zbritet. Berza e mbyll çmimin në ora 24 bëhet prerja”, u shpreh ai.
Sot çmimet e derivateve kanë qenë: Dizelli 1.65 cent kurse Benzina 1.66 cent.
Sipas Berjanit, në Shqipëri sot çmimet kanë qenë një litër Dizell mbi 2 euro.
Në anën tjetër, ekonomisti i njohur, Safet Gërxhaliu ka thënë se Qeveria e Kosovës duhet të heq akcizën për derivate që të ulet çmimi i naftës e benzinës.
Siç thotë ai, tani në këtë kohë të vështirë ekonomike duhet të ndihmohet qytetari dhe bizneset.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]