IKSHPK ka bërë të ditur se të hënën në Kosovë janë konfirmuar 195 raste të reja me Covid-19 në Kosovë. Po ashtu 44 persona janë shëruar.
Sipas IKSHPK, katër viktimat e sotme e çojnë në 79 numrin e deritashëm të personave që kanë humbur jetën nga COVID-1 9 në Kosovë, ndërsa numri i përgjithshëm i të infektuarve ka shkuar në 3,703.
Rastet pozitive janë nga: komuna e Prishtinës 102 raste, komuna e Ferizajt 17 raste, komuna e Fushë Kosovës 11 raste, komuna e Gjakovës 10 raste, komuna e Gjilanit 8 raste, komuna e Prizrenit 7 raste, komuna e Deçanit 6 raste, komuna e Mitrovicës 5 raste, komuna e Drenasit 4 raste, komuna e Skenderajt 4 raste, komuna e Lipjanit 4 raste, komuna e Obiliqit 3 raste, komuna e Rahovecit 3 raste, komuna e Pejës 2 raste, komuna e Vushtrrisë 2 raste, komuna e Shtimes 2 raste dhe me nga 1 rast komunat: Graçanicë, Kaçanik, Kamenicë, Podujevë dhe Suharekë.